Kryetari i komunës së Vushtrrisë ka njoftuar se si komunë janë në përgatitje të një plani të rimëkëmbjes ekonomike që do t’i prezentohet qeverisë së Kosovës.
Tahiri ka njoftuar se plani afatgjatë 4 vjeçar parasheh projekte konkrete dhe infrastruturore të cilat do të arrijnë të kompenzojnë dëmin e shkaktuar nga pandemia.
Ai në një intervistë të drejtpërdrejt në Kanal 10 ka shpalosur detaje të këtij të plani ku ndër të tjera ka parashihet të propozohet edhe një moratorium 4 vjeçar që sipas tij do të parsheh zero investime në asfalt në katër vitet e ardhshme nga buxheti i komunës.
“Ne po e bëjmë një plan të rimëkëmbjes ekonomike. Në këtë plan parashihet në rradhë të parë një moratorium 4 vjeçar, ku propozimi i im para Kuvendit do të jetë që të mos ndërtojmë m[ asfalt në katër vitet e ardhshme nga buxheti i komunës, zero investime në asfalt në vitin 2021-2026 dhe këto mjete të ridestinohen në kategorinë e subvencioneve dhe përmes kësaj pastaj të krijojmë hapësirë për qasje në kredi pa interes për startapet për bizneset e Vushtrrisë nga 6 milion euro për çdo vit dhe krijimin e mundësisë për vendosjen në punë ose masat aktive te të tregut të punës duke përkrahur në 500 të rinjë çdo vit të krijojnë praktikë dhe duke i paguar për këtë praktikë pune” ka thënë ndër të tjera Tahiri.