Lëvizja Vetëvendosje përmes plotësim-ndryshimit të Ligjit për Zgjedhje ka kërkuar që diaspora kosovare të ketë qasje që të votojë në zgjedhje edhe nga ambasadat dhe konsullatat e vendit në shtetet e ndryshme.
Iniciuesi i projektligjit, Artan Abrashi tha se me miratimin e tij, diaspora kosovare ka ndikim më të drejtpërdrejtë në jetën politike dhe institucionale në vend.
Ai tha se përmes kësaj ruhet edhe mundësia e votimit me postë, por vetëm plotësohet votimi në ambasada dhe konsulta
“Bashkatdhetarët duhet të kenë mundësinë të votojnë në ambasada dhe konsullata. Ashtu si qytetarët e vendeve demokratike në Evropë. Të nderuar deputetë, ky projektligj i iniciuar nga deputetët e LVV-së ka për qëllim që t’i njohë dhe mundësojë mërgatës në pjesën aktive dhe institucionale në Kosovë me mundësinë që të votojnë sa më afër tyre”, tha ai.
Ky projektligj në seancën e sotme të Kuvendit nuk po gjen përkrahje nga grupet tjera parlamentare, pasi që po konsiderohet i mangët.