Arben Gashi, shefi i Grupit Parlamentar të LDK-së, foli pas mbledhjes urgjente të partisë së tij ku tha se në fokus kishte qenë “ligji për rimëkëmbje ekonomike”.
Gashi u shpreh se humbja në Llap kishte problemet e saj dhe përmendi si shkak “shkëputjen e opinionit me kandidatët”.
Po ashtu, z.Gashi deklaroi se dy kandidatët kryesorë, Nexhmi Rudari nga LDK dhe Shpejtim Bulliqi nga VV kishin qenë pjesë e strukturave të kësaj partie – gjë që ka hutuar llapjanët, përcjell Periskopi.
Ai u pyet edhe nëse koalicioni me partitë e PAN-it i kishte ndëshkuar si parti, por e mohoi një gjë të tillë. /Periskopi