Një tërmet 4.3 shkallësh të Rihterit goditi Kosovën pasditen e sotme.
Epiqendra e këtij tërmeti ishte në Zubin Potok, por u dëgjua anembanë vendit.
Lidhur me këtë është deklaruar edhe presidenti i vendit, Hashim Thaçi.
Përmes një shkrimi në Twitter, Thaçi tha se u është drejtuar shërbimeve të sigurisë lidhur me tërmetin që ka ndodhur në veri të vendit.
Ai tha se është e rëndësishme që institucionet e sigurisë të jenë në gjendje gatishmërie për situata të mundshme emergjente, transmeton Indeksonline.
“Unë u jam drejtuar shërbimeve të sigurisë dhe urgjencës sonte pas tërmetit në veri të Kosovës. Nuk raportohet për dëme të mëdha ose viktima, por është e rëndësishme që institucionet tona të mbesin në gjendje të përhershme të gatishmërisë në të gjithë territorin e republikës”, ka thënë Thaçi.
I have reached out to security and emergency services tonight after the #earthquake in northern #Kosovo. No great damages or victims reported but it’s important our services remain in permanent state of preparedness throughout the territory of the republic.
— Hashim Thaçi (@HashimThaciRKS) January 15, 2020