Është e tepërt që një subjekti politik t’i takojë edhe posti i Kryeministrit e edhe i Presidentit.
Kështu tha në një adresim para mediave nënkryetari i LDK-së Agim Veliu.
Ndonëse u pyet nëse do të ketë takim me Vetëvendosjen sot, Veliu tha se nuk ka të aranzhuar një takim të tillë, raporton portali arbresh.info.
“Ka hapësirë për tu takuar në jemi të gatshëm të takohemi dhe të bisedojmë. Kjo është një kërkesë e LDK-së në mendojmë se në pozicionin aktual Presidenti i takon LDK-së. Edhe Presidenti edhe Kryeministri nuk mund t’i takojë një subjekti”.
Veliu tutje tha se LDK për momentin nuk ka emër për postin e Presidentit.
Këto deklarata nënkryetari i LDK-së i bëri gjatë homazheve të varri i ish-presidentit Ibrahim Rugova më rastin e 30 vjetorit të themelimit të LDK-së./arbresh.info/