Njëri ndër themeluesit e LDK’së, Milazim Krasniqi, ka thënë se Ibrahim Rugova kishte hezitime që të ishte kryetar i LDK-së në kohën kur u formua ky subjekt.
LDK sot feston 30 vjetorin e themelimit të partisë, dhe figura e Ibrahim Rugovës konsiderohet ndër kryesorët në këtë subjekt.
Por Krasniqi thotë se gjithçka mund të ishte ndryshe.
“Rugova fillimisht nuk pranoi të ishte kryetar i LDK’së”, ka thënë Krasniqi në T7.
Por Krasniqi, së bashku me Jusuf Buxhovin, tregojnë se ishte roli i gjermanëve dhe amerikanëve ne themelimin e LDK’së që ndikoi në bindjen e Rugovës që të jepte nënshkrimin e tij në listën e themeluesve, dhe të zgjidhej si kryetar i parë i kësaj partie.