Memorandumi i Mirëkuptimit Komuna e Vushtrrisë-TOKA, parashihen mundësi të reja për nxënësit vushtrrias

Kryetari Tahiri dhe përfaqsueses të organizatës TOKA kanë vënë sot firmat në Memorandumin e Mirëkuptimit që do të hapë shumë mundësi për të rinjtë vushtrrias.

Sipas njoftimit të postuar nga vet kryetari i Komunës së Vushtrrisë, kjo do t’u mundësoj nxënësve vushtrrias mundësi të reja për zhvillim dhe edukim të tyre.

“Konkretisht, në vitin 2020 adoleshentët nga Komuna e Vushtrrisë do t’i bashkangjiten projektit të shkëmbimit rinor me bashkëmoshatarët e tyre nga Iowa 🇺🇸. Ndërsa, Klubet e Super-Vullnetarëve në Komunë, si për shembull të mentoruar nga Marigona Jusufi dhe Djellza Stullca, do të kenë mbështetje më të madhe nga Komuna e tyre për punën e vlefshme që e bëjnë.” ka shkruar kryetari Tahiri në njoftimin e postuar në facebook.