Kryetari i partisë Fjala, Gëzim Kelmendi, ka reaguar pasi që kryetari i VV’së, Albin Kurti, nuk ka pranuar dy ftesat e Presidentit Thaçit, për tu konsultuar në lidhje me mandatarin e Qeverisë, transmeton Gazeta Metro.
Kelmendi në reagim ka thënë se Albin Kurti nuk e njeh shtetin e Kosovës dhe askush nuk duhet të befasohet nga veprimet e tij.
“Mashtrimet dhe lojërat e Albin Kurtit shumëkënd e kanë zënë në befasi. Mos u befasoni. Një politikan si Albin Kurti që nuk e njeh shtetin e Kosovës, nuk pritet të punojë për shtetin e Kosovës”, ka thënë Kelmendi.
Sot gjatë ditës Presidenti Hashim Thaçi, i ka dërguar dy letra kreut të VV’së, Kurtit, për një takim konsultativ në lidhje emërimin e mandatarit për formimin e Qeverisë.
Kurti i është përgjigjur zyrtarisht Thaçit, duke thënë se sonte nuk mund të vijë në takim, pasi është jashtë shtetit. Gjithashtu ai e ka kritikuar Presidentin, për transparencën me qytetarët. /gazetametro.net