Kryesia e Lidhjes Demokratike të Kosovës ka përfunduar takimin.
Pas këtij takimi, kreu i LDK-së, Isa Mustafa, ka folur shkurtë për media.
Mustafa ka thënë se po pret thirrjen e Albin Kurtit për takim duke mos dhënë detaje shtesë.
“S’mund të them që ka një takim tani, por nëse Kurti na thërret ne jemi të gatshëm për takim”, ka thënë Mustafa pas takimit.
Ndryshe gjatë ditës së sotme është raportuar në media në vazhdimësi se Kurti dhe Mustafa do të takohen gjatë ditës së sotme. Deri më tani, takimet mes liderëve kanë rezultuar të pasuksesshme.
Ndonëse kanë përpiluar programin e përbashkët qeverisës, LVV dhe LDK nuk po pajtohen ende për ndarjen e posteve. Posti i presidentit deri tash është pengesa kryesore për arritjen e marrëveshjes. /Gazeta Sinjali/