Vetëm 15 minuta kanë mjaftuar që grupi i Facebook’ut ‘Marakli t’kerreve’, t’i gjejë një karrocë elektrike, një qytetarit nga Suhareka i cili është i palëvizshëm, shkruan Gazeta Metro.
Ka qenë një anëtar i grupit i cili ka bërë kërkesë në këtë grup që nëse ka mundësi dikush të gjejë një karrocë me rrymë, për persona të palëvizshëm.
Kërkesa tij ishte për një shok të tij nga Bllaca e Suharekës, i cili nuk lëviz dhe për të dalë jashtë shtëpisë i duhet ndihma e dikujt.
Ai ka thënë se shoku i tij po mbetet i varur nga njerëzit e tjerë dhe shpesh mbetet i mbyllur pasi që nuk ka kush ta shëtis.
E me të parë rastin një anëtar tjetër i grupit, pas 15 minutave ja ka siguruar një karrocë të tillë nga Gjermania.
Ky ‘marakli’ në bashkëpunim me një tjetër anëtar, i ka siguruar karrocën dhe transportin e saj nga shteti gjerman.
Grupi ‘Marakli t’kerreve’ njihet si njëri ndër grupet më të mëdha shqiptare në Facebook dhe shumë shpesh i ka dalë në ndihmë njerëzve dhe janë treguar shumë human. /gazetametro.net