Kryeministri në detyrë, Ramush Haradinaj, ka shkruar për takimin e sotëm që pati me Ministrin e Mbrojtjes së Italisë, Lorenzo Guerrini, shkruan GazetaBlic.
Ai në një postim në Facebook ka njoftuar për takimin, ku tha se bashkë me Guerrinin u dakorduan për intensifikimin e marrëdhënieve ndërmjet dy shteteve, e sidomos në fushën e sigurisë.
Haradinaj po ashtu njoftoi se Kosova i ka shprehu gatishmërinë që FSK-ja t’i dal në ndihmë Italisë, ku së fundmi herë Venecia ka pasur vërshime si pasoj e shiut.
Më poshtë mund ta gjeni postimin e Haradinajt të plotë:
Si vend mik dhe anëtare e NATO-s, Italia ka dhënë një kontribut të çmuar për lirinë dhe shtetkrijimin e Kosovës, dhe mbetet një ndër aleatët më të fuqishëm dhe partner në rrugën tonë euro-atlantike. Me Ministrin e Mbrojtjes së Italisë, Lorenzo Guerrini, u pajtuam për intensifikim të marrëdhënieve ndërmjet dy shteteve tona, sidomos në fushën e sigurisë, si dhe bashkëbiseduam për situatën e qëndrueshme të sigurisë në vend, rajon dhe më gjërë, me fokus konsolidimin e strukturave tona të sigurisë, konform me politikat e aleatëve tanë perëndimor dhe sipas standardeve të NATO-s. Ministrit Guerrini i ofrova ndihmen e FSK-së për vërshimet e fundit në Itali.