Një aksident trafiku me fatalitet ka ndodhur në magjistralen Gjilan-Ferizaj, saktësisht në fshatin Budrigë.
Ballkani.info ka siguruar fotografi nga vendi i ngjarjes, ku veturat shihen plotësisht të shkatërruara.
Ndërkohë, rastin për Express e ka konfirmuar zëdhënësi i policisë për Rajonin e Gjilanit, Ismet Hashani.
“Mund ta konfirmojmë se ka ndodhur një aksident i rëndë trafiku. Dy persona kanë vdekur ndërkaq dy të tjerë kanë mbetur të lënduar”, ka thënë Hashani për Express.
Hashani ka bërë të ditur se trupat e pajetë të viktimave janë dërguar në Institutin e Mjekësisë Ligjore për obduksion.
