Kandidati për kryeministër nga radhët e koalcionit AAK-PSD, Ramush Haradinaj, sot është takuar me disa gra nga Deçani. Ai ka thënë se si pjesë e zotimeve tona, kemi krijuar strategji që ka paraparë fuqizimin e gruas dhe parasheh barazinë gjinore që i garantojnë gruas në nivel nacional të drejtat e saja.
Hardinaj gjithashtu ka shtuar se edhe pas 6 tetorit, gruaja do të ketë kujdes të veçantë në qeverisjen e ardhshme.
“Mëngjeset i filloj çdoherë duke e pirë kafën me Nanën, si traditë e kujdesit që ne si popull kemi për familjen, e për gratë në veçanti. Sot, ishte vërtetë kënaqësi të shoh në Deçan shumë gra që po i besojnë konceptit të AAK-së për Kosovën 100 për qind shtet. Një shtet që ua garanton atyre barazinë gjinore në secilin dimension. Si pjesë e zotimeve tona, kemi krijuar strategji që ka paraparë fuqizimin e gruas dhe parasheh barazinë gjinore që i garantojnë gruas në nivel nacional të drejtat e saja. Edhe pas 6 tetorit, gruaja do të ketë kujdes të veçantë në qeverisjen e ardhshme”, ka shkruar Haradinaj.
Tutje ai ka thënë se kemi finalizuar shumë punë si Ushtrinë e cila është arritja më e madhe, Trepçen e cila do t’i kthehet zhvillimit si dhe kemi kryer punën e energjisë dhe kemi arritur që të krijojmë rrethana pune për sektorin privat dhe kemi vendosur rregull në sektorin publik.
“Kemi finalizuar shumë punë që i kemi gjetur në tavolinë. Ushtria është arritja më e madhe, e cila na siguron se jemi të mbrojtur nga çdo rrezik potencial. E kemi kryer edhe punën e Trepçës, e cila do të kthehet në zhvillim, për vendin. Kemi kryer edhe punën e energjisë dhe kemi arritur që të krijojmë rrethana pune për sektorin privat dhe kemi vendosur rregull në sektorin publik”, ka hënë ai.
Në fund, Haradinaj ka thënë se prioritet i qeverisë së ardhshme janë shtesat për fëmijët reformimi i shëndetësisë dhe pensionet për të moshuarit, të cilat janë në tavolinë menjëherë pas 6 tetorit.
“Tash prioritet i qeverisë së ardhshme janë shtesat për fëmijë, reformimi i shëndetësisë dhe pensionet për të moshuarit, të cilat janë në tavolinë menjëherë pas 6 tetorit. Me 6 Tetor votojmë dhe vendosim për 100 për qind shtet!”, ka përfunduar Haradinaj.