Kandidati i koalicionit PSD – AAK, Frashër Krasniqi, përmes një videoje e ka kritikuar ish-deputetin dhe biznesmenin Ramiz Kelemendi për deklaratën e tij të fundit se punëtorët e tij do ta votojnë PDK’në.
Ditë më parë, Ramiz Kelmendi, i cili së fundmi po përkrah Kadri Veselin për kryeministër, tha punëtorët e tij do ta votojnë PDK’në.
Kelmendi i cili njihet si biznesmen i suksesshëm është kritikuar rreth deklaratave të tij, pasi që është vlerësuar se po i kushtëzon punëtorët e tij dhe po ndikon në pikëpamjet politike të tyre.
Frashër Krasniqi ishte deputeti që përmes videove ka shprehur shqetësimin e tij për gjendjen e punëtorëve në sektorin privat, e veçmas të gjithë ata që punojnë në dyqane të mëdha, e Kelmendi është pronar i një rrjeti të gjerë të marketeve.
Në videon e fundit që Krasniqi e ka shpërndarë në Facebook e ka kritikuar ashpër Kelemendin dhe ka bërë thirrje që të ndalet kushtëzimi dhe detyrimi i punëtorëve. /Express/