Mesfushori i Kosovës Valon Berisha është rrëfyer në një intervistë të gjatë për emisionin ‘Ich bin Albaner’, në RTV Dukagjini.
Përfaqësuesja e Kosovës pas fitores në miqësore ndaj Gjibraltarit, nesër përballet me Malin e Zi në kuadër të eliminatoreve për ‘Euro 2020’, shkruan Zëri.info.
Pjesë e Kosovës edhe në këto dy ndeshje është mesfushori i Lazios Valon Berisha, i cili po kalon nëpër një formë mbresëlënëse.
Pas një mungese të gjatë për shkak të lëndimit, tashmë Berisha është i gatshëm t’i ndihmojë.
Në mes të tjerash, Berisha ka treguar edhe për atmosferën në ekipin përfaqësues, duke zbuluar se kush e rregullon atmosferën në grup.
“Kemi disa ‘këngëtarë’ në skuadër, por nuk dua t’i përmend me emra”, tha Berisha, përcjell Zëri.info.
“Por, më së miri atmosferën e rregullon Vedat Muriqi, ai është i mrekullueshëm”, tregoi Berisha./Zëri.info