Veseli ka një pyetje interesante për mësimdhënësit, ata i përgjigjen në këtë mënyrë
Kadri Veseli, kandidati për kryeministër nga radhët e PDK-së, ka takuar sot mësimdhënësit e komunës së Prishtinës.
Nga aty Veseli ka falënderuar të gjithë mësimdhënësit për kontributin e tyre, ndërsa ka pasur edhe një pyetje për ata, shkruan Insajderi.
“Kujna ja keni pa hajrin më shumë se PDK-së në këto 20 vjet”?, i ka pyetur Veseli, mësimdhënësit.
Të fundit si për ta falënderuar Veselin ngritën në këmbë dhe nuk i ndalin duartrokitjet.
“Do të jem përkrah jush, do të jem me ju edhe për 4 vjetët e ardhshme – do të jem vërtetë me ju, jo vetëm me 6 tetor, por për çdo ditë të zotit”, ka vazhduar tutje Veseli.
“Kemi nevojë për përkrahjen e juaj, kemi nevojë për kontributin tuaj”.
“Bashkë mund të arrijmë dhe do të kemi sukses”.