Kandidati për Kryeministër të Kosovës, nga radhët e PDK-së, Kadri Veseli, ka zhvilluar sonte takim me simpatizantë të këtij subjekti në Drenicë.
Veseli ka thënë se do të investojnë në akumulacione për të siguruar ujë të nevojshëm në këtë zonë edhe për 50 vjetët e ardhshme, njofton Klan Kosova.
”Në Drenicë, aty ku lindin heronjtë dhe e zjarrtë është gjithmonë atdhedashuria. Lufta kundër Serbisë kërkoi kryengritje, por lufta për zhvillimin e vendit kërkon ngritje të vetëdijes, kërkon punë, përkushtim, investime.
Rri shumë në Drenicë dhe duke ditur që fshatrat e kësaj treve kanë shpeshherë probleme me ujin e pijshëm dhe për ujitje, ne do të investojmë në akumulacione për të siguruar ujë të nevojshëm edhe për 50 vjetët e ardhshme.
Drenica është zemra e Kosovës, shpirti i UÇK-së dhe fuqia e Partisë Demokratike të Kosovës”.