Kandidati për deputet nga Partia Demokratike e Kosovës (PDK), Uran Ismaili ka qëndruar sot në një tubim në lagjen Kodra e Trimave në Prishtinë, përcjell Gazeta Insajderi.
Përmes një postimi në llogarinë e tij në Facebook, Ismaili ka shkruar se fitorja e 6 tetorit në Prishtinë ka nisur nga Kodra e Trimave.
“Rruga drejt fitores së madhe të PDK-së me 6 tetor, në Prishtinë nisi në Kodrën e Trimave. Bashkërisht shpalosëm programin politik dhe rikonfirmuam këmbënguljen tonë në luftën kundër korrupsionit e nepotizmit”, ka shkruar Ismaili.
Ndër tjera, Ismaili i cili është edhe ministër i shëndetësisë në largim, ka thënë se ky takim ishte i jashtëzakonshëm derisa ka shtuar se kjo lagje e Prishtinës do ta bëjë diferencën më 6 tetor.
“Ky takim i jashtëzakonshëm dëshmoi edhe një herë se Prishtina do të bëjë diferencën më 6 tetor dhe në fund do të vulos fitoren e PDK-së dhe Kadri Veselit”, ka thënë Ismaili. /Insajderi.com