Uran Ismaili, kandidat për deputet nga Partia Demokratike e Kosovës (PDK), ka premtuar se gjatë qeverisjes së tij në krye me kryetarin e partisë së tij, Kadri Veseli do të ketë barna falas.
I ftuar në emisionin Debat Plus në TV Dukagjini, Ismaili është zotuar se të gjithë njerëzit të cilët janë me sëmundje kronike do të mund të marrin barna falas në barnatoret e Kosovës.
“Të gjithë njerëzit që janë më sëmundje kronike do të marrin barna falas në barnatoret e Kosovës gjatë qeverisjes Veseli”, ka thënë Ismaili.
Ndër tjera ai ka thënë se “fondi i sigurimeve shëndetësore do të funksionalizohet brenda 8 muajve”. /Insajderi.com