E vlerësuar për disa herë me rradhë si punëtorja me performancën më të mirë në shërbimin civil, Suzana Sejdiu tashmë i ka hyrë rrugës që po këtë sukses ta bartë edhe në një nivel tjetër, këtë herë si deputete në Kuvendin e Kosovës.
Ajo në këto zgjedhje do të garoj në listën e AKR-së për deputete, parti kjo që edhe i besoj asaj kandidaturën e deputetës duke u bazuar gjithmonë në virtytet e personalitetit të saj dhe profesionalizimin që ka treguar në vendin e punës dhe funksionin që e ushtron.
Sejdiu zotohet se si deputete e ardhshme e Kuvendit të Kosovës në fokus do të jenë të gjitha shtresat pa dallim, dhe duke zbatuar me përpikëmëri programin e AKR-së ajo thotë se do të mundësohen shanse të mira dhe të barabarta për të gjithë.
Ajo në këto zgjedhje garon me numrin 24, në kuadër të listës së koalicionit parazgjedhor Nisma-AKR-PD.