Kandidatja për deputete nga radhët e Aleancës për Ardhmërinë e Kosovës, Donika Kadaj Bujupi, përmes një video të postuar në rrjetin social Facebook, ka treguar pse duhet votuar numri 119.
Kadaj Bujupi, ka thënë se koalicioni i tyre ka prioritet mbrojtjen e tokës pa u mërzitë për karrige, shkruan Insajderi.
“Në njërën anë është koalicioni në krye me Ramush Haradinaj, që mbron tokat pa u mërzitë për karrige, e në anë tjetër janë ata që mbrojnë karriget pa u mërzit për toka”, ka thënë Kadaj Bujupi.
Tutje, kandidatja për deputete tregoi se 119 është numri që ka prioritet fondin zhvillimor, shtesat e fëmijëve, Policinë e Kosovës e deri tek mjedisi i pastër.
“Numri 119 është numri i fondit zhvillimore, i shtesave për fëmijë, i subvencioneve të vogla dhe të mesme, i policit të cilit ia rritem pagën, ja paguam shtesën, i mësimdhënësve të viteve të 90 për të cilët bëmë ligj, i Trepçës të cilën nuk e lamë me u nda, i arsimit të digjitalizua dhe i mjedisit të pastër”, ka përfunduar Kadaj Bujupi.