Joseph Daul kryetar i Partive Popullore Evropiane me anë të një letre drejtuar kryetarit të LDK-së Isa Mustafa, i ka përgëzuar për kandidimin për kryeministre të Vjosa Osmanit.
Joseph Daul ka uruar gjithashtu edhe rizgjedhjen në krye të LDK-së të z.Isa Mustafa.
Më poshtë keni njoftimin e plotë të LDK-së:
“Kryetari Mustafa, pranoj një letër urimi nga Joseph Daul, kryetar i Partive Popullore Evropiane, anëtare e së cilës është edhe Lidhja Demokratike e Kosovës.Duke i uruar rizgjedhjen e z. Isa Mustafa në krye të LDK-së, Presidenti Daul, ndër të tjera thekson se “Rizgjedhja juaj në pozitën, të cilën e keni mbajtur nga viti 2010 është dëshmi e stabilitetit dhe besimit nga delegatët e partisë nën udhëheqjen tuaj.
Është po ashtu testim i besimit që ata kanë në ju për ta drejtuar partinë tuaj në një periudhë vendimtare. Zgjedhjet e ardhshme parlamentare do të jenë mundësi për LDK-në që edhe një herë të qeverisë me vendin. Besoj se Vjosa Osmani, kandidate e LDK-së, do të jetë kryeministre e ardhshme, prandaj ju përgëzoj për këtë zgjedhje të shkëlqyeshme”.
Presidenti Daul vlerëson se këto zgjedhje do të jenë tepër të rëndësishme për të ardhmen e vendit, për ndërtimin e marrëdhënieve të mira me fqinjët, relacionet me Serbinë, përmirësimin e stabilitetit politik dhe të sigurisë si dhe rritjen ekonomike, njëkohësisht duke shprehur besimin e plotë se LDK-ja do të punojë në këto objektiva të ardhshme si vlera të përbashkëta të familjes sonë politike”.