Donika Kadaj Bujupi kandidate për deputete nga koalicioni AAK-PSD, ka premtuar se me fitoren e koalicionit të tyre Kosova do të ketë zhvillim në sektorin privat.
Përmes një postimi në llogarinë e saj në Facebook, Kadaj-Bujupi ka premtuar rritjen e pagës minimale prej 250 euro.
“Me numrin 119 Kosova është e sigurt në kufijtë dhe sovranitetin e saj. Ky është pragu që ne nuk e shkelim asnjëherë. Po në këtë numër të koalicionit AAK-PSD, përfshihen edhe zhvillimi i sektorit privat, sigurimi i të drejtave të punëtorëve, shtesat për fëmijë, unifikimi i sistemit pensional, përkrahja e grave dhe nënave vetëushqyese, paga minimale 250 euro, investimi në arsim e shëndetësi, mbrojtja e mjedisit dhe shteti me qeverisje të mirë”, ka premtuar Kadaj-Bujupi.
Ajo është shprehur se gjatë tubimeve në Mitrovicë, Ferizaj e Kaçaniku kanë marr besimin e qytetarëve.
“Mitrovica, Ferizaji e Kaçaniku folën dje. Na besuan jo vetëm për premtimet e zotimet që i dhamë, por më së shumti për 18 muajt e qeverisjes Haradinaj, ku është dëshmuar dija dhe guximi për vendimmarrje”, ka shkruar Donika Kadaj-Bujupi. /Insajderi.com