Agron Xhemajlin është emri më i ri që iu është bashkuar Aleancës për Ardhmërinë e Kosovës. Këtë e ka konfirmuar kryetari i këtij subjekti, Ramush Haradinaj.
Haradinaj ka thënë se Arritjet akademike dhe eksperienca në institucionet tona e Agron Xhemajlit, janë një tjetër vlerë, që sot i shtohen AAK-së.
“Është kënaqësi të pres në familjen e Aleancës për Ardhmërinë e Kosovës, Agron Xhemajlin dhe të pranoj nga ai mbështetjen për konceptin tonë, 100 për qind shtet.
Përvoja e tij e çmuar jetësore, duke nisur nga aktivitetet e hershme ilegale dhe politike, për të vazhduar angazhimin e tij të drejpërdrejtë në luftën çlirimtare të UÇK-së, duke i dalë në ballë shumë organizimeve dhe betejave dhe më vonë edhe në krijimin dhe funksionimin e institucioneve tona dhe shtetndërtim, është vlerë e çmuar dhe bazë e fortë, për të vazhduar rrugën tonë në fuqizimin e Kosovës, ekonomisë, arsimit dhe fushave të tjera me rëndësi.
Arritjet akademike dhe eksperienca në institucionet tona e Agron Xhemajlit, janë një tjetër vlerë, që sot i shtohen Aleancës për Ardhmërinë e Kosovës dhe vizionit tonë për një qeverisje, për shtet dhe jetë të denjë!”, ka shkruar Haradinaj.