Vedat Muriqi ka folur për Insportin rreth kombëtares së Kosovës dhe të ardhmes së tij.
Sulmuesi i Kosovës, ndër të tjera ka treguar se ka edhe një “hall” të madh.
Ai po e ka të vështirë të gjejë këpucë sportive, për shkak të numrit të madh të këmbës, shkruan Insporti
“Është e vërtetë [se kam problem të gjej numër të këpucëve sportive], se numrin e këmbës e kam 48.5”, tha Muriqi për Insportin.
“Në shumicën e patikeve apo këpucëve të futbollit nuk ka [numër], sidomos këpucëve të futbollit”, tha ai.
“Më herët, falënderoj ata që jetojnë në Finlandë – tezja, tezakët e të tjerët më kanë sjellur më herët – por tash me kalimin e kohës po mund të gjej ndonjë palë, por jo ato që po i dua unë, sepse nuk ka numra për të gjitha ato që po i dua unë”, bëri të ditur Muriqi.
“Kështu që për këpuca futbolli, në internet prej Anglisë, prej Gjermanisë çkado që po mund të gjej, ato mund t’i porosis. Është një uebfaqe që e kam gjetur dhe aty ka, 48.5 është numri i fundit”, shtoi sulmuesi i Kosovës.
“Nëse rritet edhe pak këmba, s’do të ketë më këpucë për mua, kështu që do ta kem problem”, përfundoi me shaka Muriqi.
Intervistën e tij të plotë, mund ta shikoni në videon më poshtë. /Insporti.com/