Presidenti Hashim Thaçi sot teksa raportuar para komisionit Parlamentar për gylenistët ka acaruar deputetët me pyetjet e tij rreth rastit, shkruan Periskopi.
Thaçi vazhdimisht ka pyetur pse duhet të përfshihet një ekspert ndërkombëtar në hetime, i cili sipas tij është këshilltar i Vetëvendosjes, mik dhe simpati i deputetit Sami Kurteshi.
”Pyetja ime vazhdon me mbetë, eksperti ndërkombëtar a e ka aprovimin e organeve përkatëse të Kosovës. Eksperti ndërkombëtar a lejohet për t’u angazhuar. Cili dokument lejon angazhimim e tij kur është në pyetje siguria ndërkimbëtare. Eksperti i angazhuar ndërkombëtar a ka ndonjë lidhje me ndonjë parti politike apo individ. Është problem që është i preferuari i Sami Kurteshit. Sa mund ta bind opinionin se ai raport është objektiv kur është ai mik i Samisë. Këshilltar i partisë politike që i takon Samiu si dhe simpatia e Samiut’’, tha Thaçi.
Raportimi i presidentit Hashim Thaçi para Komisionit Hetimor për dëbimin e shtetasve turq, po kalon me tensione të mëdha. Presidenti Thaçi është përplasur me replika me deputetët, duke i pyetur se më cilën zyrë ligjore janë konsultuar për të angazhuar ekspert të huaj.
“Cili institucion legal ka dhënë pëlqim për një ekspert të huaj. Ky është vendim politik. Gjermani ju në botë një shtet demokratik ku përgjegjësitë e shefit të Ushtrisë, Policisë, shefi të Intelegjencës ia bartë një eksperti të huaj. Është e drejtë e imja kushtetuese të jap sqarim. Si president i vendit e kam obligim të ruaj interesin kombëtar dhe rrëfimin tim”, ka thënë Thaçi.
Këtu kanë ndërhyrë deputeti Sami Kurteshi dhe Xhelal Sveçla i Vetëvendosjes.
Ndaj kësaj ka ndërhyrë edhe deputeti Anton Quni i LDK’së, i cili ka thënë se ‘i kupton shqetësimet e presidentit por këto janë çështje teknike’./Periskopi/