Karateistët e Kosovës arritën që të fitonin 8 medalje në Kampionatin e Mediteranit që u mbajtë ditë më parë në Antalya të Turqisë, transmeton Gazeta Metro.
Nga këto tetë medalje,një prej tyre ishte e artë, dy të argjendta dhe pesë të bronzta. Ishte karateisti nga Mitrovica, Rigon Baruti, që u stolis me medaljen e artë në kategorinë -57 kilogramë.
Ndër të tjera ndeshje, ai arriti që të shënoi dy fitore përball karateistëve nga Serbia.
Pas kësaj, “Djaloshi i artë” u prit si një hero nga shokët dhe shoqet Klubit të Karatesë “Mitrovica” në aeroportin “Adem Jashari”./gazetametro.net