Ish-komandanti i UÇK-së, përballë fëmijëve të Piter Panit, rrëfeu disa prej sfidave të tij më të mëdha në jetë, që nga lufta e ashpër që përballoi Kosova për vite me radhë e deri te gjyqi famëkeq i Hagës. Por ia ka dalë gjithmonë mbanë, edhe sepse ka pasur në krah Anitën, bashkëshorten e tij të jetës dhe bashkudhëtaren më besnike – mbrojtësen dhe mbështetësen më të madhe në ditët më të këqija.
Megjithatë, nëse vendoset në një zgjedhje të tillë, Anita duhet të rrijë një hap pas. Jo më kot, ishte pikërisht ajo që ia kishte dërguar Alketës këtë pyetje, shkruan class.
Sapo Ramush Haradinaj zuri vend në karrige, Alketa i bëri të parën pyetje që do t’ia bënte Anita nëse do ta kishte të ftuar të saj: “Cilën do më shumë, Anitën apo nanën?”
Natyrisht, kreu i qeverisë së Kosovës nuk u mnedua dy herë, nuk kishte pse: “Nanën…” – tha ai pa e zgjatur fare, por kërkoi që ta sqaronte këtë: “E di pse? E dua edhe Anitën, shumë, shumë, por nana ka mbetur pa babën tash, kështu që po i jap më shumë dashni asaj… “ – tha i prekur Haradinaj, por i bindur se pas kësaj, edhe bashkëshortja nuk do dinte më ç’të thoshte.
Meqenëse pyetjen e dërgoi vet Anita, e mori edhe përgjigjen nga bashkëshorti.