Ministri i Punës dhe Mirëqenies Sociale, Skender Recica, ka vizituar qendrën tregtare “ETC” në Fushë Kosovë.
Reçica bashkë me Inspektoratin e Punës u prit nga drejtoresha gjenerale e ELKOS-s, Servete Abazi. Ai ka bashkëbiseduar me punëtorët e kësaj qendre për t’u informuar për kushtet e punës.
Reçica kërkoi nga këta të fundit që të raportojnë për çdo padrejtësi ndaj tyre, sipas tij, të drejtat e punëtorë mbrohen me Ligj të Punës.“Pas vizitës në “Viva Fresh” dhe bashkërisht me drejtoreshën e patëm mundësin e diskutimin edhe me punëtorët për respektimin dhe oraret.
Po informohemi nga afër për kushtet e punës. Ngritjen e vetëdijesimit se respektimi i të drejtave të punëtorëve është i garantuat me ligj. Ne kemi kërkuar nga inspektorati dhe do të jemi të pakompromis dhe i falënderojë sepse janë duke kryer një punë të mirë”, tha Reçica.
Ndërsa, menaxheri i ETC-së, Petrit Selmani, tha se ky biznes e respekton Ligjin e Punës mbi 95 për qind.“Ne patëm nderin me pas ministrin në vizitë dhe me u informuar edhe vet prej anës së punëtorëve që ne si kompani çfarë kushte ju ofrojmë. Mbi 95 për qind të ligjit rreth kushteve të punës si ne aspektin e pushimeve pagesës orarit të punës sigurimeve shëndetësore jemi mundu maksimalisht me implementuar ligjin çka ja kemi arrit. Kushtet në ETC përputhen me ligjin”, u shpreh Selmani.