“KFOR-i po e ngacmon arushën: Ditët në vazhdim bëhen ushtrime në veri të Kosovës” është titull i tabloidit serb “Kurir”, transmeton Gazeta Metro.
Në vazhdim nga medisa serbe citohet kumtesa e KFOR-it, se ditët në vazhdim KFOR-i do të zhvillojë trajnime e ushtrime, sidomos në perëndim e në veri të Kosovës.
“Në jemi këtu qe të sigurojmë ambient të qetë e të sigurt”, citon “Kurir”.
Në fund është publikuar edhe një video e televizionit “Kurir”, në të cilën një serb i Mitrovicës veriore thotë se “këtu është serbi”.
“Këtu është Serbi dhe kështu do të quhet përgjithmonë, gjithnjë deri sa të ketë edhe një serb të vetëm! Kur të mos guxojnë ta ndezin një qiri, prapë do të jetë Do të mbijetojmë ne këtu, bëjani të ditur këtë popullit zvicran”.
“Kurir” dhe disa tabloidë tjerër serbë, të cilët opozita serbe i cilëson si “mediat e Vucicit”, janë përplot propagandë kundër Kosovës e shqiptarëve, ngjashëm me shtypin serb të viteve të 90-ta.