Liverpooli dhe Tottenhami kanë shënuar fitore në ndeshjet e para çerekfinale të Ligës së Kampionëve, transmeton zeri.info
Liverpooli triumfoi 2:0 në shtëpi ndaj Portos.
Ekipi i Jurgen Kloppit e kreu detyrën qysh në pjesën e parë. Naby Keita shënoi i pari për “të kuqtë” në minutën e 5-të, derisa epërsinë e dyfishoi Roberto Firmino (26’).
Porto rrezikoi disa herë portën e Alissonit dhe pati mundësi që ta ngushtonte rezultatin, por nuk arriti dot t’i konkretizojë rastet e veta.
Ndërkohë, Tottenhami korri fitore 1:0 ndaj Manchester Cityt në stadiumin e ri “Tottenham Hotspur Stadium”.
Manchester City e filloi më mirë takimin, duke krijuar raste të mira dhe madje edhe duke fituar një penallti në minutën e 13-të.
Por, i pasaktë nga pika e bardhë e penalltisë u tregua Sergio Aguero.
E goli i vetëm i kësaj sfide erdhi në minutën e 78-të nga Heung-Min Son./Zëri