Deputeti i PSD-së, Frashër Krasniqi, në një intervistë për Frontal të Televizionit 7, ka thënë se debati rreth SHIK’ut me Lëvizjen Vetëvendosje nuk është i dëshirueshëm për ta, por që partia e Albin Kurtit e ka filluar e para.
Në një lidhje direkte nga Kuvendi, Kransiqi ka thënë se për Partisë Socialdemokrate nuk është e rëndësishme e kaluara e indivdëve, por që VV ka nisur e para “luftën”.
“Tash e një vit Vetëvendosje na ka akuzuar me shpifje e pa fakte e as pa logjikë. Kjo situatë nuk ka përfunduar një vjet. I kemi lutë lini këto debate dhe ata kanë vazhduar në nivelin e ultë”.
Deputeti i PSD’së thotë se për të është problem akuzat që Konjufca ua ka bërë deputetëve të larguar të VV’së se janë bërë bashkë me SHIK’un.
“E kemi thënë se nuk është problemi nëse dikush ka qenë në SHIK në vitin 2000-2001, por problemi është kur ti ke qenë në SHIK dhe akuzon të tjerët pa bazë, ish shokët tuaj, se ‘keni dalë nga Vetëvendosje dhe jeni SHIK”.
Ai thotë se Konjufca u ka treguar se ka qenë në shërbimin Informativ dy javë para se një pjesë e deputetëve të largoheshin nga VV’ja.