Kryeministri i Kosovës, Ramush Hradinaj i ka reaguar edhe njëherë presidentit të Serbisë, Aleksandër Vuçiq lidhur me deklaratat e këtij të fundit për masakrën e Reçakut, raporton Gazeta Blic.
Haradinaj, përmes një shkrimi në twiter ka thënë se mohimi i Masakrës së Reçakut nga ana e Presidentit të Serbisë, Aleksandër Vuçiq shpërfaq realitetin e rrezikshëm të nacionalizmit serb.
“Mohimi i masakrës së Reçakut nga presidenti Vuçiq zbulon realitetin e rrezikshëm të nacionalizmit serb. Nuk mund të ketë pajtim pa e pranuar të vërtetën e së kaluarës”, ka shkruar Haradinaj.
Ndryshe, presidenti i serbisë, Aleksandër Vçiq para disa ditësh mohoi masakrën e Reçakut të cilën ai ndryshe e quajti fabrikim nga ana e William Walker.