Dje në Vushtrri kanë ndodhur dy aksidente trafiku me ç`rast kanë mbetur të lënduar dy persona, transmeton “Zëri.info”.
“Fsh. Karaqë, Vushtrri 06.04.2019 – 09:20. Një mashkull K-Shqiptar ka pësuar lëndime trupore, pasi ka humbur kontrollin mbi biçikletën që e drejtonte duke u rrëzuar në rrugë. Viktima është dërguar për tretman mjekësor në QKUK”, thuhet në raport.
Ndërsa rasti tjetër ka ndodhur në rrugën “Bahri Kuqi”, ku një këmbësorë është goditur me veturë.
“Rr. Bahri Kuqi, Vushtrri 06.04.2019 – 21:00. Raportohet se viktima mashkull K-Shqiptar këmbësor është goditur nga automjeti i pa njohur. Si pasojë e aksidentit, viktima ka pësuar lëndime trupore dhe pas tretmanit mjekësor është liruar në shtëpi”, thuhet në njoftimin e policisë./ZËRI