Seanca e jashtëzakonshme e Kuvendit të Kosovës ka nisur me betimin e deputetit nga radhët e PDK-së, Rafet Rama, si zëvendësim i Nezir Çoçajt, me vendim të presidentit të vendit.
Çoçaj kishte dhënë dorëheqje më 10 shtator të vitit 2018.
Në Facebook, Çoçaj kishte cekur se arsyet e dorëheqjes kanë qenë personale, por që kanë pasur të bëjnë me çështje profesionale.
Ndërkaq, në Kuvendin e Kosovës po zhvillohet debat parlamentar lidhur me zbrazjen e vendit nga të rinjtë, si rrezik që po i kanoset Kosovës që nga paslufta.
Seanca po mbahet me kërkesën e 41 deputetëve.