Sot kryetari i Mitrovicës, Agim Bahtiri ka marrë pjesë në akademinë përkujtimorë të heroit Hajrullah Sinani.
Në një postim në Facebook, Bahtiri ka shkruar se gjaku i dëshmorëve duhet shërbejë si udhërrëfyes se si të ruhet çdo cep i territorit të Republikës së Kosovës. Për tokën tonë populli ka luftuar qe 500 vjet dhe çdo vend është i ujitur me gjakun e dëshmorëve, ku aroma e gjakut të tyre duhei te na vetëdijesoj që të ruhet çdo pëllëmbë e truallit të Republikës së Kosovës, përcjell portali arbresh.info
Kreu i Mitrovicës gjithashtu tha se të gjithë krerët e vendit duhet ta kthejnë kokën nga Mitrovica, për arsye se Mitrovica është djep i lirisë, është djep i atyre që e dhanë jetën për këtë vend dhe është promotor i zhvillimit ekonomik të Kosovës./Arbresh.info/
Postimi i plotë i Bahtirit:
Sot, në 20 vjetorin e rënies nën patronatin tim si kryetar komune dhe në bashkëpunim me shoqatat e dala të Luftës së UÇK-së, në Mitrovicë u mbajt akademi përkujtimore për heroin e kombit Hajrullah Sinani.
Gjaku i dëshmorëve duhet të shërbej si udhërrëfyes se si të ruhet çdo cep i territorit të Republikës së Kosovës. Për tokën tonë populli ka luftuar qe 500 vjet dhe çdo vend është i ujitur me gjakun e dëshmorëve, ku aroma e gjakut të tyre duhet të na vetëdijesoj që të ruhet çdo pëllëmbë e truallit të Republikës së Kosovës.
Të gjithë krerët e shtetit duhet ta kthejnë kokën nga Mitrovica, për arsye Mitrovica është djep i lirisë, është djep i atyre që e dhanë jetën për këtë vend dhe është promotor i zhvillimit të ekonomisë së Kosovës.
Në vendlindjen e dëshmorit Hajrullah Sinani në Stan Tërg, zbuluam pllakën përkujtimore, ku ai do të përkujtohet për jetë e mot.