Tre persona të lënduar nga aksidenti tragjik sot në Gjilan, janë sjellë në Qendrën Klinike Universitare të Kosovës, nga Spitali i Gjilanit, transmeton Gazeta Metro.
Gjendja e të lënduarve të sjellur në QKUK, mendohet të jetë jashtë rrezikut për jetë.
Nga ky aksident, ka mbetur një person i vdekur dhe 15 persona të lënduar.
Nga Spitali i Gjilanit kanë bërë të ditur për Gazetën Metro se nga 15 personat e lënduar, dy janë në gjendje të rëndë.
“Aksidenti është shkaktuar nga kamioni që transportonte ujin Peja. Si pasojë ka mbetur një i vdekur dhe 15 të lënduar, dy prej tyre më rëndë”, bëhet e ditur nga Spitali.
Ndryshe, Policia më herët ka njoftuar se në komunikacion janë përfshirë gjithsej 10 automjete dhe përpos viktimave, ka pasur edhe dëme të mëdha materiale./gazetametro.net