Një person ka mbetur i vrarrë në vendin e tij të punës, në një kazino në Suharekë.
Sot kryetari i kësaj komune, Bali Muharremaj, ka urdhëruar mbylljen e të gjitha këtyre lokaleve, njofton Klan Kosova.
Nëpërmjet një postimi në Facebook, Muharremaj, ka kërkuar nga institucionet përkatëse që të marrin veprimet e nevojshme ligjore.
Ky është postimi i plot i Muharremjat:
Kërkoj mbylljen e KAZINOVE në Komunën e Suharekës
Sot kam dhënë urdhër për Drejtorinë e Inspekcionit dhe poashtu kam kërkuar mbështetjen e Policisë në Suharekë, për një operacion verifikimi në të gjitha këto objekte, ku zhvillohen lojërat e fatit.
Në emër të qytetarëve te Komunës së Suharekës, kërkoj nga institucionet përkatëse që të marrin të gjitha veprimet e nevojshme ligjore, për mbylljen e kazinove në Komunën e Suharekës.
Si Kryetar i Komunës së Suharekës do të jem afër qytetarëve, që për aq sa më mundëson ligji që të jem në mbrojtjen e interesave tuaja.