Kryesia e Kuvendit të Kosovës ka thirrur mbledhje për ditën e nesërme për të shqyrtuar kërkesën e 49 deputetëve për seancë të jashtëzakonshme.
Mbledhja është planifikuar të mbahet nga ora 10:30.
Kërkesa e deputetëve për seancë të jashtëzakonshme është për miratimin e një rezolute për pezullimin e aktivitetit të kazinove dhe lojërave të fatit, si dhe plotësim-ndryshimin e ligjit ekzistues.
“Pas mbledhjes së Kryesisë, në orën 11:00, Kuvendi pritet të mblidhet në seancë të jashtëzakonshme, për të diskutuar lidhur me kërkesën e deputetëve nënshkrues”, thuhet në njoftimin e Kuvendit.
Njoftimi i plotë:
Të premten, më 22. 03. 2019, do të mblidhet Kryesia e Kuvendit të Republikës së Kosovës, për të shqyrtuar kërkesën e 49 deputetëve për seancë të jashtëzakonshme.
Koha: 10:30
Vendi: Salla C-301