Pikërisht në Ditën e Mësuesit, 7 Marsin, kolektivi i SHMU “Andon Zako Çajupi” ka nderuar me një mirënjohje mësimdhënësin Izet Morina.
Mirënjohja si Mësimdhënësi i Dalluar i Vitit Shkollor 2018/19 i është ndarë Prof.Izet Morina nga kolektivi i kësaj shkolle, i cili ka plot 40 vite që ushtron profesionin e mësimdhënësit.
Gjenerata të tëra kanë pasur rastin të jenë nxënës të Prof.Izet Morinës, i cili atyre u ka mësuar lëndën e Gjuhës dhe Letërsisë Shqipe.
Janë plot 40 vjet që kur Prof.izet Morina morri ditarin në dorë për të mësuar nxënësit, në atë kohë e nisi në Boris Kidriqi, tani Shkolla Naim Frashëri, ndërsa nga vitet 80-të dhe 90-të ishte mësimdhënës i rregullt në Shkollën “Andon Zako Çajupi”.
