Nenad Rikallo, ministër, deri para disa ditësh, i Bujqësisë në Qeverinë e Republikës së Kosovës, është emëruar sekretar Shteti në Ministrinë e Bujqësisë të Qeverisë së Serbisë, bën të ditur agjencia e lajmeve e Beogradit, B92.
Bëhet e ditur se Qeveria se Serbisë vendimin për emërimin e Rikallos në këtë pozitë në Ministrinë e Bujqësisë, Pylltarisë dhe Hidroekonomisë e ka marrë qysh më 27 shkurt.
Kryeministri Ramush Haradinaj e ka shkarkuar nga pozita e ministrit të Bujqësisë Nenad Rikallon, përfaqësues i Listës Serbe, në fillim të shkurtit, ndërsa në vend të tij e ka emëruar Dijana Zhiviqin, anëtare e Partisë së Pavarur Liberale (SLS).