Kryeministri i Republikës së Kosovës, Ramush Haradinaj, ka goditur presidentin e Serbisë, Aleksander Vuçiq duke i thënë po dëshiron të destabilizojë Ballkanin duke detyruar serbët të largohen nga pozitat e tyre në institucionet e Republikës së Kosovës, përfshirë këtu edhe deputetët e Listës Serbe.
Për Haradinajn kjo është përpjekja e dytë e Vuçiqit, pasi herën e parë dështoi që të shkaktojë trazira përmes idesë për shkëmbim të territoreve
“Pasi dështoi për të destabilizuar Ballkanin përmes idesë së korrigjimit të territoreve, Vuçiq tashmë po tenton të destabilizojë rajonin duke iu kërkuar zyrtarëve serb të lenë postet e tyre publike”, ka shkruar Haradinaj.
Kreu i Qeverisë ka kërkuar nga Bashkimi Evropian që të reagojë kundër kësaj tendence të rreizkhsme të Vucicit.
“BE-ja duhet të reagojë kundër një përpjekje të tillë të rrezikshme”, ka shtuar Haradinaj.
Ndër të tjera, Haradinaj ka thënë se ai po kërkon investime nga Volksëageni i Gjermanisë, derisa në anën tjetër po e minon sigurinë dhe paqen në rajon.
Having failed to destabilize #Balkans through land swap proposal, #Vucic is now trying to cause destabilization by demanding the #Kosovo #Serb officials to leave their elected/public posts. The #EU must act against such dangerous behavior.
— Ramush Haradinaj (@haradinajramush) March 29, 2019