Një zjarr ka përfshirë pjesë të pyjeve në fshatrat Skromë – Bozhlan, ku përveç pyjeve kanë pësuar edhe shtyllat elektrike.
Një qytetar që ka dërguar fotografi në adresë të redaksisë sonë thotë se zjarri ka përfshirë edhe linjat elektrike, ku sipas ka mungesë të rrymës në disa fshatra.
Nga qendra e thirrjeve në KEDS thonë se rryma është ndërprerë dje në ora 21.30 në fshatrat Skromë, Gumnisht, Buzhlan, Vesekofc dhe Kurillovë, dhe përshkak të gjendjes së vështirë të rrugëve që janë të pakalueshme në këtë pjesë ka qenë e pamundur të sanohet gjendje, ndërkohë që intervenimi pritet të ndodh nesër.
Këtë e ka konfirmuar edhe burimi jonë i informatës i cili ka thënë se rrymë nuk ka që nga dita e djeshme.
Zjarri i pyjeve në këtë pjesë ka përfshirë gjashtë shtylla elektrike, të cilat pritet të rregullohen së shpejti por që ka qenë e pamundur të sanohen përshkak të gjendjes së rëndë dhe terrenit të papërshtatshëm.
