Kryetari i OVL-UÇK, Hysni Gucati duke folur në emisionin Frontal në T7 është deklaruar se numri i personave që do të thirren nga Gjykata Speciale është i madh, raporton Gazeta Express.
“Numri do të jetë i madh, i konsiderueshëm, sot i kanë ftuar edhe dy që edhe na vetë po çuditemi, her ndodhë një pushim herë i thërrasin ka dy, besojmë këta djem që do ta mbrojnë vendin qysh e kanë mbrojtë. I përgëzojmë këta djem që janë të mbrojtë vendin e vet”, u deklarua ai.
Tutje, ai ka folur edhe për Remzi Shalën që nuk iu është përgjigjur ftesës së Gjykatës Speciale.
“Skemi kontaktu me Remzi Shalën e kemi njoft më herët si bashkëluftëtar, ai nuk është dorëzu, arsyet i din vetë. I kisha thanë është mirë si gjithë shokët po është mirë të kontaktohet me të edhe të kuptohet pse. Nuk duhet të iket prej drejtësisë. Arsyet i dinë ai vetë, është mirë që të dorëzohet e të mbrojë identitetin e vendit vet”, shton ai.
Tutje, Gucati iu ka uruar sukses të gjithë atyrëve që dalin para gjykatës, duke thënë se padyshim do të dalin të pastër.
“Unë ju uroj sukses të gjithë atyre, padyshim kanë me dal të gjithë të pastër. Shqiptarët nuk e kanë zakon me vra gra fëmijë e pleq, këta e ka pas Serbia, kanë pre gra fëmijë e pleq kanë pre invalida, shqiptarët nuk e kanë zakon t’i bajnë këto krime. Ushtria jonë do të del e pastër, ne vetëm i kemi fitu disa gjykata”, deklaroi Gucati.
Deri më tani sipas tij janë 40 persona që janë ftuar nga Gjykata ndërkaq, numri sipas tij mund të arrijë deri në 100.
Gucati ka shtuar se sipas informacioneve aktakuza e parë mund të ngritët në shtator ose tetor./GazetaExpress