Kryetari i Kuvendit, Kadri Veseli është takuar sot me Ilir Bytyqin, vëllaun e Yllit, Agronit dhe Mehmetit, të cilët lanë jetesën në Shtetet e Bashkuara të Amerikës për tu bërë pjestarë të Batalionit ‘Atlantiku’, transmeton Gazeta Metro.
Veseli përmes një njoftimi në Facebook ka thënë se i ka ofruar përkrahjen e nevojshme që të zbulohen vrasësit para institucioneve të drejtësisë.
‘Drejtësia duhet dhe do vendoset në vend për vrasjen e Vëllezërve Bytyçi’ ka shkruar Veseli në postimin e tij.
‘Ne nuk do të ndalemi së kërkuari drejtësi për krimet e rënda që shteti i Serbisë kreu kundër qytetarëve të Kosovës’.
Ndërkaq, edhe Shtetet e Bashkuara të Amerikës (SHBA) i kanë vënë kusht kryesor Serbisë që gjatë këtijë viti ti dorëzojnë vrasësit dhe pjesëtarët kryesor që morën pjesë në vrasjen e familjes Bytyqi, para se të ndërmarrin sanksione të reja ndaj Serbisë.
Ky është postimi i plotë i Veselit:
Drejtësia duhet dhe do të vendoset në vend për vrasjen e Vëllezërve Bytyçi – Yllit, Agronit dhe Mehmetit, pjesëtarë të Batalionit “Atlantiku”. Sot takova vëllain e tyre, Ilirin, të cilit i ofrova gjithë përkrahjen e nevojshme që vrasësit të dalin para institucioneve të drejtësisë. Ne nuk do të ndalemi së kërkuari drejtësi për krimet e rënda që shteti i Serbisë kreu kundër qytetarëve të Kosovës, ka shkruar kryeparlamentari në Facebook./gazetametro.net