Një nxënës i një shkolle në Vushtrri është arrestuar pasi i është gjetur dhe konfiskuar një revole, karikatori me dy fishekë, boksi i hekurit dhe një thikë, ka njoftuar Policia e Kosovës.
Këto atij i janë gjetur jashtë hapësirave shkollore. Me vendim të prokurorit ai është dërguar në mbajtje, përcjell zeri.info.
“Si rezultat i bashkëpunimit të PK-së me autoritet e arsimit, është arrestuar i dyshuari mashkull K-Shqiptar (nxënës i shkollës), pasi që i njëjti ishte ndaluar jashtë hapësirës shkollore, ku gjatë kontrollit i është gjetur dhe konfiskuar një armë (revole), një karikator me dy fishekë, një boks i hekurit dhe një thikë. Me vendim të prokurorit i dyshuari dërgohet në mbajtje”, thuhet në njoftim.