Sot në shkollën e fshatit Akrashticë të Komunës së Vushtrrisë kanë arritur sërish donacione nga Organizata Joqeveritare nga Gjermania, “Familie in Not e V Reitberg”. Ky donacion ka arritur nëpërmjet Imer Pllanës, në të cilin kishte lodra, mjete të konkretizimit dhe ëmbëlsira.
Drejtori i shkollës, Hajdin Islami, ka thënë se të gjithë nxënësve të shkollës, sot dhe nesër ju dhuruan dhe do t’ju dhurohen çokollata dhe ëmbëlsira të tjera në kuadër të këtij donacioni.
“Falënderojmë miqtë tanë nga Gjermania që shkollës sonë po i qëndrojnë afër. Gjithashtu u bë me dije se gjatë këtij viti do të na arrijnë edhe donacione tjera nga kjo organizatë e cila që disa vite na sjellë vazhdimisht ndihma të ndryshme”, tha drejtori Islami.