Përfaqësuesja e Kosovës në futsal sot ka bërë një hap të madh duke e kaluar fazën e pare të para kualifikimeve për Kampionatin Botëror ‘’Lituania 2020’’, transmeton Gazeta Metro.
Djelmoshat tanë ditë më parë mposhtën Norvegjinë me rezultatin e thellë 5-1, kurse sot mposhtën Andorran me rezultatin 3-1 për të kaluar tutje me gjashtë pikë të grumbulluara në Grupin B.
Në raundin tjetër mund të kemi edhe ndeshje vëllazërore mes Përfaqësueses sonë dhe asaj të Shqipërisë.
Kundërshtarët e radhës në kualifikimet për Kupën e Botës të Kosovës janë Ukraina, Sllovenia dhe njëra prej kombëtareve mes Shqipërisë dhe Maqedonisë, ndërsa ndeshjet e para do të luhen në tetor të këtij viti./gazetametro.net