Kryeministri i Kosovës, Ramush Haradinaj ka thënë sot se deri sa Serbia nuk e njeh pavarësinë e Kosovës do të ketë tensione mes dy vendeve, transmeton Gazeta Metro.
Haradinaj këto komente i bëri pasi Sekretari i Përgjithshëm i OKB’së, Antonio Guterres në raportin e tij ka shprehur shqetësimin lidhur me tensionet në rritje midis Prishtinës dhe Beogradit.
Sipas kryeministrit këto letra po shkruhen nga UNMIK’u dhe po dërgohen në OKB, këto letra nuk pasqyrojnë reflektimin e së vërtetës pasi komunikimi në mes të UNMIK’ut dhe Qeverisë së Kosovës është shkëputur që një kohë të gjatë.
“Ne kemi shkëputur komunikimin me UNMIK-un, ata i shkruajnë 137 këto letra dhe i dërgojnë atje, nuk është reflektim i të vërtetës së tensioneve mes Kosovës dhe Serbisë. Derisa s’ka njohje është normale, ka tensione”, tha Haradinaj,
Në raportin tremujor për Kosovën, sekretari i Përgjithshëm i OKB-së, Antonio Guterres ka shprehur shqetësimin lidhur me tensionet në rritje midis Prishtinës dhe Beogradit, problemi më i madh në marrëdhëniet midis Kosovës dhe Serbisë sipas tij është taksa prej 100 për qind./gazetametro.net