Pjesa më e madhe Mitrovicës që nga dita e djeshme ka mbetur pa energji elektrike. Kjo si pasojë e djegies së një trafostacioni të ndërmarrjes “Trepça” në këtë qytet, shkruan Gazeta Blic.
Si pasojë e kësaj, dje mbetën të mbyllur rreth 110 minatorë në minierën e Trepçës të cilët pas disa orësh ngujim në të, arritën të dalin përmes rrugëve dytësore të saj.
Mirëpo, përveç minatorëve të cilët mbetën pa ndonjë kontakt me jashtë, edhe pjesa më e madhe e qytetit të Mitrovicës që nga dje ka mbetur në terr.Këtë për Gazetën blic, e ka konfirmuar zëdhënës i KEDS, Viktor Buzhala. Ai tha se furnizimi nuk është kthyer akoma porse, janë duke punuar në këtë drejtim.“Furnizimi nuk është kthyer akoma por jemi duke punuar për rikthimin e energjisë. Një pjesë e qytetit ka por pjesa më e madhe nuk ka energji elektrike” tha ai.
Deri më tani shkaqet e zjarrit në këtë trafo nuk dihen./Gazeta Blic